تجربتي مع الماك على pc ,,

السلام عليكم

كنت قد ذكرت في التدوينه السابقه عن تركيب الماك في جهازي ال pc بنجاح والحمد لله , ووعدتكم ان اقولكم على تجربتي  و التجربه تعتبر إلى حد ما ناجحه .

اول حاجه من ناحيه كروت البي سي , النسخه اللي حملتها كان مدمج بها تعاريف لبعض انواع عتاد البي سي كان موجوده فيها تعاريف كروت للشاشه النفيديا والحمد لله كارت الشاشه عندي اتعرفت بنجاح Geforce FX 5200 … ويوجد ايضا تعاريف كروت الاي تي اي والانتل ومن ناحيه الصوت عندي مدمج باللوحه الأم واشتغل الصوت ايضا Realtek AC97 , بإستثناء كارت الشبكه الموجود باللوحه الام الجيجا بايت اللي عندي بتحتاج باتش علشان تتعرف Marvell Yukon ولكن كان عندي كارت شبكه خارجي ايضا وتم التعرف عليه Realtek RTL8139 .. و  بالنسبه للنظام مفيش اي بطء معايا خالص اثناء العمل عليه و النظام بيفتح ويقفل في زمن قياسي …

From Mac

 

نعم انا أكتب لكم الأن من الماك
قابلت مشاكل كتير بس تجربه حلوه جدا ونظام  احلى طبعا ,, ان شاء الله التدوينه القادمه سأوضح بالتفصيل …

خطوه إلى الماك ،

السلام عليكم

من زمان وانا كان نفسي امتلك ماك  خصوصا انني كنت اريد نظام يغنيني عن الويندوز مش لأني بكره الويندوز ولكن لإستهلاك الويندوز العتاد بشكل غير طبيعي خصوصا امكانيات جهازي تعتبر محدوده ، فكان الماك هو سبيلي الوحيد خصوصا اني بستخدم الفوتوشوب معظم وقتي ، طبعا كان عندي اللينوكس ولكن مش بحب ان كل شويه احول ما بين اللينوكس والويندوز علشان خاطر الفوتوشوب و ايضا ان انا مش عايز استخدم محاكيات ، كنت من زمان بفكر اني احمل نسخه ماك من النت ،، ولكن كنت غير متحمس و انسى الموضوع لغاية من كام يوم تحمست للموضوع بشكل كبير وفعلا بدأت انزل ال Leopard من النت ( طبعا نسخه مكركه ) وبدأت ابحث فعلا عن التنصيب و المشاكل اللي قابلت الناس اللي جربوا  نسخ الهاكنتوش ومدى استجابه النظام للتعاريف و استهلاك النظام للذاكره . الى ان وجدت بعض الاراء والاشخاص مستقرين على هذه النسخ في ال Pc ولا تشتكي من بطأ وده اللي حمسني انا اجرب ، و دلوقتي قرب الدونلود يخلص ، كنت زعلان طبعا جدا وانا بحذف اللينوكس لكن ما باليد حيله ، لاني مقدرش اركب 3 انظمه على جهازي ….

وان شاء الله اقولكم على تجربتي مع الماك في pc ولو فشلت رجعنا اللينوكس مكانه ونريح بالنا ،،

حد منكم جرب نسخه ماك على pc ?

أسرار ..

السلام عليكم

بقالي كتير ما كتبتش حاجه في المدونه ، :(  ما علينا

على فكره انا اول مرة في حياتي حد يمرر لي تاج او واجب تدويني وكان من الاستاذ كريم

- تحدث عن ستة أسرار قد لا يكتشفها من يقابلك للمرة الأولى ؟

هه بسم الله ..

اول سر بحب أكسب حب الناس جدا

تاني سر بكره العصبيه لعرف او دين او بلد بجد العصبية شئ هدام لأبعد الحدود

تالت سر ان انا بكره الخيانه جدا … جدا جدا وبرضه بكره النفاق وبحاول دايما اطهر نفسي من اي شئ ممكن يخليني انافق

رابع سر مواعيدي سيئه جدا لأبعد الحدود

خامس سر متردد في معظم القرارات اللي ممكن اخدها في حياتي

سادس سر اني مش بقدر  اقاوم الذره المشويه منتشره جدا في جميع انحاء جمهوريه مصر العربية الغاليه

هو الأسرار كتير لكن ده اللي حضر في بالي ،،

بالنسبه لتمرير التاج ، مفيش حد امرر له التاج ،، معظمهم على ما أعتقد حلوا التاج ده

Wikimedia Foundation wallpaper

السلام عليكم

انتهيت اليوم من خلفيه بمناسبه الويكيمانيا بالاسكندريه

الخلفيه بقاس 1200 1600x

اضغط على الصوره التي في اعلى التدوينه للتكبير

ان شاء الله تعجبكم ،،

ويكيمانيا الاسكندريه ، 2008

السلام عليكم ،،

وكيميديا هي مؤسسه الهدف الأساسي من إنشائها هي نشر العلم والمعرفه بمجانيه وبحريه بجميع اللغات ولجميع العلوم وهي صاحبه مشاريع عده ومن اشهر مشاريعها الويكيبيديا وهي الموسوعه الحره حيث يمكن لأي شخص في جميع انحاء العالم انشاء مواضيع ومقالات مع حريه التعديل والتحرير وتدعم معظم لغات العالم وهي الان صاحبه اكثر من 9.5 مليون مقاله منوعه موزعه على عده لغات و عده مجالات ،،

في الفتره من 17 إلى 19 يوليو سيقام حدث الويكيمانيا في الإسكندريه تحديدا في مكتبه الأسكندريه الرائعه وهو حدث سنوي مخصص لمشاريع الويكيميديا لمناقشه اساليب تطور هذه المشاريع وجعلها اكثر انتشارا ونشر وعي الثقافه الحره

تابع هنا للتعرف أكثر

لو عايز تشارك هنا

يوجد منح لحضور المؤتمر للطلبة المصريين

تحديث : شكر خاص للشباب المتطوعيين في مشروع الموسوعه الحره والقائمين على نشر و التعريف بالمؤتمر ،،شكرا جزيلا لكم مره اخرى

عُدنا

السلام عليكم ،،

عدنا بعد غياب اكثر من ثلاث اسابيع ظروف الامتحانات و مشاكل في النت و . . و . . طبعا فاتني احداث مهمه كتيرة وده ضايقني جدا اهمها انطلاق الاوبن سوزي ” اللي لسه محملتهاش ” والفايرفوكس

كنت نفسي اكون موجود لكن الحمد لله على كل حال

على العموم وحشتوني جدا  ….

Euro 2008

السلام عليكم ،،

بدأت بطوله كأس الأمم الأوروبيه اليورو 2008 أمس ، طبعا هذه البطوله بالذات من اقوى البطولات الكرويه يمكن بالنسبه لي افضلها عن كأس العالم ليس لشئ ولكن ، لقله المنتخبات و ارتفاع مستوى جميع الفرق الموجوده في البطوله طبعا غياب العملاقه انجلترا سيؤثر … لكن ستظل البطوله قوية ، المهم اسوء شئ ان البطوله لم تذاع على القنوات العاديه الارضيه ولا الفضائية الرياضيه الا قناة الجزيره الرياضيه لكن .. بإشتراك ” ، شئ يعصب الواحد الصراحه ،، لكن هو في حلين اول واحد ان انا اشترك في الجزيرة ! و طبعا استحاله او اني احول على قنوات على الاقمار الاخرى تنقل هذه البطوله وده طبعا الحل الانسب و طبعا كالعاده جوجل معايا وبحثت عن القنوات التي تذيع هذه الدوره فوجدت قائمه في احدى المنتديات العربيه عن القنوات التي ستنقل جميع مباريات الحدث على هذا الرابط بالترددات باسماء الاقمار ،، وان شاء الله اليوم ابدأ بالمتابعه ..

طبعا من يريد معرفه مواعيد المباريات ادخل على الموقع الرسمي بالضغط على الصورة التي في اعلى التدوينه.

حد عنده توقعات لمين حيكون اللقب ……… ?

w810 Dock icon

السلام عليكم

هذه المره الايقونه اهديها لصديقي العزيز كريم - mutati0n الايقونه عباره عن سوني اريكسون w810 انتهيت منها اليوم يمكن تصميم هذه الايقونه كانت صعب بالنسبة لي لاني لا اعرف تفاصيل شكله الا من الصور يعني ما رأيته في الحقيقه

ان شاء الله تعجبكم ولرؤيه مثال عليها اضغط على الصورة التي في اعلى التدونيه

ملاحظه صغيره : شعار السوني اريكسون الموجود في الصورة التي في الاعلى ليست من تصميمي وجميع الحقوق محفوظه لChristina

للتحميل من هنا

وبالتوفيق ان شاء الله

Rٌed nokia 6300 icon

السلام عليكم ،،

النوكيا 6300 ، الجهاز الذي استخدمه حاليا انتهيت اليوم من صنع ايقونه خاصه به ، حاولت الى حد ما اهتم بأدق التفاصيل في التصميم ، على قد ما قدرت ،
صممتها باللون الاحمر لأنه نفس لون جهازي

لرؤيه مثال عليها اضغط على الصورة التي في اعلى التدوينه ،،،

يمكنكم تحميل الايقونه من هنا

ان شاء الله تعجبكم ،
بالتوفيق